រឿងទាំងអស់នេះ ចាំខ្លះក៏ល្អដែរ😊
អ្វីដែលខ្ញុំនិយាយគឺជាបទពិសោធន៍ដែលខ្ញុំធ្លាប់ឆ្លងកាត់ ហើងចង់ចែករំលែក គ្រាន់តែដើម្បីឲ្យអ្នកដែលមិនទាន់ជួបបានដឹងតែប៉ុណ្ណោះ!

• កុំយកចំណុចខ្សោយខ្លួនឯង ទៅប្រៀបធៀបនឹងចំណុចខ្លាំងរបស់អ្នកដទៃ ការប្រៀបធៀបដែលសុគ្រិត គឺធៀបទាំងចំណុចខ្លាំង និង ចំណុចខ្សោយរបស់អ្នកទាំង២។ ខ្ញុំនិយាយពីមនុស្សចេះគិត មនុស្សមិនចេះតែងតែរកលេះដើម្បីបន្ទាបខ្លួនឯងហើយ ខ្ញុំសុំអត់ប៉ះទេ។
• "និយាយត្រង់ vs និយាយអត់ចេះគិត" ខ្ញុំឃើញមានច្រើនហាយល់ច្រឡំពីបញ្ហានេះ
  "១.បញ្ហាមួយដែលប៉ះពាល់អារម្មណ៍ អ្នកស្តាប់" យើងនិយាយត្រង់ គេថាយើងនិយាយអត់ចេះគិត គេអត់ចូលចិត្តយើង។ តែបើយើងនិយាយបង្វែហើយបញ្ជូលអត្ថន័យម្ដងបន្តិចៗ គេថាយើងឆ្លាត ចេះប្រើភាសានិយាយ គេព្រមទទួលហើយនៅតែចូលចិត្តយើង។
  "២.បញ្ហាមួយដែលប៉ះពាល់អារម្មណ៍ អ្នកនិយាយ" យើងនិយាយត្រង់ គេថាយើងមានភាពស្មោះត្រង់ គេចូលចិត្តដែលយើងនិយាយត្រង់ តែគេមិនអាចយល់បញ្ហានោះទេ។ តែពេលដែលយើងនិយាយបង្វែហើយពន្យល់ពីបញ្ហារបស់យើងជំនួស គេនិយាយថាយើងនិយាយកុហក គ្មានភាពស្មោះត្រង់ គេមិនចូលចិត្តយើង😂។
  => សួរថា បញ្ហាពិតប្រាកដ ជាអី?? វាមិនមែនមកពីអ្នកនិយាយទេ វាមកពីប្រយោជន៍ដែលបានពីអ្នកនិយាយនោះ។ អ្នកសួរតែងតែចង់បានប្រយោជន៍ពីសំនួររបស់ខ្លួន ពេលដែលខ្លួនបានប្រយោជន៍ ក៏យល់ថាអ្នកឆ្លើយជាមនុស្សល្អ តែពេលដែលខ្លួនបាត់ប្រយោជន៍ ក៏ទុកថាអ្នកឆ្លើយជាមនុស្សមិនល្អ។
  អត់ជឿសាកមើលទៅ ឧបមាថា អ្នកស្តាប់បានចាញបោកគេក្នុងរឿងអ្វីមួយ ហើយយើងនិយាយថា "មកពីគាត់អត់បានប្រយ័ត្នទើបគេបោកបាន" ពេលនោះយើងនឹងឃើញគាត់ប្រែប្រួលទឹកមុខភ្លាមៗ ដែលបង្ហាញថាគាត់មិនសប្បាយចិត្តដែលយើងនិយាយចឹង តែបើយើងនិយាយថា "វាជារឿងធម្មតា អ្នកផ្សេងក៏ធ្លាប់ជួបរឿងចឹងដែរ" ទឹកមុខគាត់នឹងធម្មតា។ ប៉ុន្តែ​ ដល់វគ្គ អ្នកឆ្លើយម្ដង រឿងដដែលបើឆ្លើយថា "ខ្ញុំចាញ់បោកគេ" អ្នកស្តាប់នឹងសួរបន្តទៀត តែបើឆ្លើយថា "ខ្ញុំទិញខុស ឬ ធ្វើខុសរបៀប" ពេលនោះអ្នកស្តាប់នឹងបង្ហាញទឹកមុខមួយដែលបញ្ជាក់ថា តាមពិតគឺយើងចាញ់បោកគេសោះ។
  រឿងតែមួយសោះ តែអ្នកស្តាប់មានគំនិតខុសគ្នា ទៅលើអ្នកនិយាយ😊។ ហើយបើសួរថា ខ្ញុំមេចក៏វិនិឆ្ឆ័យច្រើនមេស គ្រាន់តែទឹកមុខគេសោះ ខ្ញុំធ្លាប់ឃើញច្រើនហើយបានខ្ញុំនិយាយ ខ្ញុំមិនសូវចូលចិត្តនិយាយច្រើនទើបខ្ញុំបានស្តាប់រឿងច្រើន ខ្ញុំមិនមែនឃើញតែទឹកមុខទេ ពេលខ្លះក៏បានឮសម្លេងដែរ។
• ទង្វើគ្រប់យ៉ាងគឺជាជំនួញ ទំនាក់ទំនងគ្រប់ប្រភេទអាចនឹងស្ថិតស្ថេរបាន លុះត្រាតែមានការផ្ដល់ឲ្យគ្នាទៅវិញទៅមក ហើយដំណោះដូរទាំងអស់នោះក៏ត្រូវតែមានតម្លៃសមនឹងចំណាយ។
• កុំសូវជឿជាក់នូវអ្វីដែលមើលឃើញ ឬក៏ស្ដាប់ឮពីមាត់របស់សមីខ្លួនគេពេក អ្នកខ្លះព្យាយាមអួតបង្ហាញអ្នកតែចំណុចល្អៗរបស់គេទេ ឬក៏ពេលខ្លះវាគ្រាន់តែជារូបភាពបំភាន់ភ្នែកតែប៉ុណ្ណោះ នៅពីក្រោយនោះអាចជាអ្វីដែលអ្នកស្មានមិនដល់​ មនុស្សពិតគេមិនសូវខ្វល់រឿងអ្វីដែលមិនសមតម្លៃទេ។
• កុំទុកអ្នកដែលទុកយើងជាអ្នកដទៃ ថាជាគ្នាឯងឲ្យសោះ មិនថាមិត្តភក្តិ ឬ ក៏អ្នករួមការងារ
  - មិនថាអតីកាលយើងល្អជាមួយគ្នាប៉ុណ្ណាក៏ដោយ តែចរិក និង ចំណង់ចំណូលចិត្តយើងវាផ្លាស់ប្ដូរទៅតាមវ័យ ពេលខ្លះយើងអត់បានសង្កេតយើងនឹងមិនចាប់អារម្មណ៍ចំណុចប្រែប្រួលទេ ជៀសវាងការខកចិត្តខ្លាំង កុំឲ្យសោះ
  - អ្នករួមការងារក៏ចឹងដែរ ជាធម្មតាពេលដែលយើងមានអារម្មណ៍រាងស្និទជាមួយនណាម្នាក់ កាយវិការ និង ការនិយាយស្ដី វានឹង informal ទៅតាមនឹង ប៉ុន្តែអ្នកខ្លះ it's like: I can do this to you, but you can not repeat me. ខ្ញុំមិនមែនឲ្យ toxic ទេ ប៉ុន្តែការពារខ្លួនព្រោះពេលដែលអ្នកដួលវាមិនសូវមានអ្នកស្គាល់ទេ នេះគ្រាន់តែជាបទពិសោធន៍របស់ខ្ញុំ។ កុំចេះតែយកចិត្តគេមកដាក់ចិត្តយើង ព្រោះពួកគាត់អាចជាទុកយើងត្រឹមតែជាមនុស្សធម្មតាម្នាក់ដូចទៅនឹងអ្នកផ្សេងដែរ-ហើយបើចឹងមែន យើងនឹងក្លាយទៅជាមនុស្សមិនល្អដោយស្វ័យប្រវត្តិ មិនមានឱកាសសូម្បីតែបកស្រាយឲ្យជនទី៣។
  
  ដើម្បីជៀសវាងកំហុសឆ្គង ឬ ជម្លោះ យើងត្រូវតែ សង្កេតមើល ពាក្យសម្ដី និង ទង្វើរបស់គេ ថាតើគេទុកយើងត្រឹមណាក្នុងទំនាក់ទងមួយនោះ យើងត្រូវតែទុកគេត្រឹមនោះវិញ តើពាក្យសម្ដី ឬ ទង្វើដែលគេធ្វើដាក់យើង វាចេញពីចិត្ត ឬ ក៏ចេញពីខួរក្បាល? បើគេប្រើចិត្ត ចាំយើងប្រើចិត្ត តែបើគេប្រើខួរក្បាលហើយ យើងក៏ត្រូវតែប្រើខួរក្បាលដូចគ្នា ព្រោះបើមិនដូច្នោះទេ អ្នកដែលធ្លាក់ទឹកគឺជាយើង។
• អ្នកអាចធ្វើជាខ្លួនឯងបាន បើសិនជាអ្នកមានភាពរឹងមាំគ្រប់គ្រាន់ដែលមិនចាំបាច់ត្រូវការពីអ្នកដទៃ តែបើអ្នកជាមនុស្សដែលខ្វល់ពីគំនិតរបស់អ្នកដទៃច្រើន ហើយចង់បានការស្រលាញ់ពីពួកគេ អ្នកត្រូវតែធ្វើជាមនុស្សដែលគួរឲ្យស្រលាញ់ សម្ដីផ្អែមល្ហែម ញញឹមទន់ភ្លន់ ចេះស្ដាប់បង្គាប់ និយាយប្រាប់គេតែចំណុចល្អៗរបស់ខ្លួនហើយលាក់បាំងនូវចំណុចអាក្រក់ៗចោល ព្រោះមនុស្សមួយចំនួនឲ្យតម្លៃតែអ្វីដែលគេមើលឃើញបើវាសមស្របនឹងពាក្យសម្ដីដែលអ្នកបានប្រាប់គេទៀតនោះ គេនឹងមិនចាប់អារម្មណ៍អ្វីច្រើនទៀតទេ។
• កំណត់ស្ដង់ដាគ្រប់រឿង សូម្បីតែមនុស្សដែលអ្នកចាប់អារមុ្មណ៍(មិត្តភក្តិ ស្នេហា អ្នករួមការងារ) ព្រោះនៅពេលដែលអ្នកបែងចែកប្រភេទរបស់ខ្លួនឲ្យដាច់ស្រេច អ្នកនឹងមានផ្លូវចិត្តដ៏រឹងមាំ ហេតុអីដឹងអត់? ព្រោះនៅពេលដែលរបស់អស់នោះវាមិនស្ថិតនៅក្នុងបញ្ជីរបស់អ្នក វានឹងមិនមានឥទ្ធិពលអ្វីដល់ចិត្តគំនិតរបស់អ្នកឡើយ។
• កុំប្រើខួរក្បាលច្រើនពេក រៀនប្រើចិត្តញ្ញាណខ្លះទៅ ពិភពលោកពរពេញទៅដោយតារាសម្ដែង ប្រើតែភ្លែកទទេយើងនឹងមើលឃើញតែសារធាតុធំៗ ប៉ុន្តែចិត្តខាងក្នុងរបស់មនុស្សមិនចេះសម្ដែងទេ រៀនប្រើថាមពលខាងក្នុងដែលមនុស្សមាន វានឹងធ្វើឲ្យអ្នកឆ្លាតជាងមុន។
• កុំសប្បាយចិត្តនឹងអំណោយពេក! ឧបករណ៍ខ្លះគេទិញទុក គ្រាន់តែវាមិនទាន់ដល់ពេលដែលត្រូវប្រើ។
• The 48 laws of power «កុំធ្វើខ្លួនឲ្យលេចធ្លោជាងចៅហ្វាយនាយ» yep! កុំគិតវិជ្ជមានតែខ្លួនឯង បើយើងចេះត្រូវយើងនឹងមិនអី តែវានឹងអីពេលដែលយើងខុស។ រឿងខ្លះមិនសូវចាំបាច់ត្រូវការបកស្រាយ ឬ តរវ៉ា មិនបាច់ចង់ឈ្នះចាញ់ទេ ព្រោះចាស់ៗចូលចិត្តធ្វើជាអ្នកឈ្នះ ចូលចិត្តការគោរពពីក្មេងៗ បើទោះជាគាត់ខុសក៏ដោយ វាជាទម្លាប់របស់អាស៊ី។
• កុំប្រកាន់ភ្ជាប់ផ្នត់គំនិតថា «គ្មានអ្នកណាដែលស្គាល់យើងច្បាស់ជាងខ្លួនយើង» គ្រប់ពេលពេក ព្រោះអីដឹងអត់? ខ្លួនយើងវាអាត្មានិយម កំហុសល្មមៗយើងមើលមិនឃើញទេ អ្នកខ្លះមិនត្រឹមតែមើលមិនឃើញទេ ថែមទាំងព្យាយាមយកហេតុផលផ្សេងៗ ឬ ក៏រុញឲ្យអ្នកផ្សេងជាអ្នកខុស គេអាចធ្វើទៅដោយដឹងខ្លួន ឬ មិនដឹងខ្លួន។ ប៉ុន្តែអ្នកដទៃ គេមើលឃើញ ហើយទទួលស្គាល់គ្រប់ចំនុច។ សាកយកអ្វីដែលគេនិយាយមកពិនិត្យសិន ចាំបដិសេធ វានឹងធ្វើឲ្យអ្នកស្គាល់ខ្លួនឯងកាន់តែច្បាស់ ហើយថែមទាំងអាចកែប្រែនូវចំណុចខ្វះខាត់ផងដែរ។
• បានគេប្រើភាសាធម្មតាជាមួយយើង សប្បាយចិត្តទៅ កុំសូវចង់ស្ដាប់ពាក្យសម្ដីត្រឹមត្រូវពេក អ្នកខ្លះញញឹមសរសើរអ្នកតែនឹងមុខទេ ឃើញមកច្រើនដែរហើយ។ ញ៉ាំរបស់ផ្អែមច្រើនពេក វានឹងធ្វើឲ្យសុខភាពអ្នកទ្រុឌទ្រោមម្ដងបន្តិចៗ រហូតដល់អ្នកដឹងខ្លួនថាខ្លួនឯងខុសប្រក្រតី គឺវាហួសពេលដែលអាចព្យាបាលបានហើយ។ តែក៏វាធម្មតាទេ អ្នកខ្លះដឹងថាញ៉ាំរបស់ហិលវាធ្វើឲ្យខូចក្រពះ តែនៅតែញ៉ាំព្រោះពេលនោះវាឆ្ងាញ់ គេយកអាហារសុខភាពទៅឲ្យក៏ចាក់ចោល ថាវាសាប វាមិនទំនង មិនគួរឲ្យចង់ញ៉ាំ។
• អ្វីគ្រប់យ៉ាងដែលចូលមករកយើង ហើយនៅជាមួយយើង គឺជាអ្វីដែលសាកសមនឹងយើង។ សាកសង្កេតមើលទៅ អ្នកនឹងកត់សម្គាល់ដឹង😊 វាតម្រូវ ចរឹត ចំណង់ចំណូលចិត្ត គោលបំណង ... របស់យើង។
• សៀវភៅដែលគេកំពុងល្បីមិនថាកម្រិតជាតិ ឬ អន្តរជាតិ ក៏មិនប្រាកដថាវាល្អអានហើយផ្ដល់ប្រយោជន៍ដល់អ្នកអានគ្រប់គ្នាដែរ។ ពេលខ្លះវាល្បីដោយសារតែមនុស្សេជាច្រើនខ្វះចំណុចហ្នឹង ប៉ុន្តែក៏មានអ្នកមួយចំនួនដែលមានវារួចទៅហើយ​ ដឹងរួចទៅហើយ ចឹងក៏អាចនិយាយបានថា វាជាសៀវភៅធម្មតាសម្រាប់គេ។ មិនទាន់ដឹងថាសៀវភៅនិយាយពីអី កុំអាលជោរតាមគេ😘។
• Last updated on 11 Nov 2024
• ពិន្ទុនៃការសិក្សាមិនអាចកំណត់ថាសិស្សម្នាក់នោះខ្លាំង ឬ ខ្សោយប្រាជ្ញា ឬ ក៏អន់ជាងសិស្សមួយណាគ្រប់ពេលទេ។ ខ្ញុំមានមិត្តម្នាក់គាត់ជាមនុស្សឆ្លាត បើវាជាចំណង់របស់គាត់ ដំណោះស្រាយខ្លះវាល្អលើសសិស្សពូកែទៅទៀត
• កំណត់ local value ឲ្យគ្រប់ប្រភេទមនុស្សទាំងអស់ នោះវានឹងធ្វើឲ្យយើងអាចរក្សាលំនឹងរបស់ខ្លួនបានគ្រប់ពេល។ វាជួយកាត់បន្ថយហានិភ័យដែលអ្នកដទៃអាចបង្ករមកលើយើង។ Guard your mental health! it is your everything.
• គុណម្លៃរបស់ វត្ថុ ឬ មនុស្ស វាមិនមែន អរថេ ទេ! វាអាស្រ័យនៅលើចំណង់ចំណូលចិត្តរបស់បុគ្គលម្នាក់ៗ មនុស្សមួយក្រុមចូលចិត្តមនុស្សប្រភេទនេះ របស់ប្រភេទនេះ គេនឹងគិតថា របស់នោះ ឬ មនុស្សនោះ មានគុណតម្លៃកម្រិតមួយដែលខ្ពស់សម្រាប់គេ តែសម្រាប់ក្រុមមនុស្សដែលមានចំណូលចិត្តផ្សេង គេនឹងយល់ផ្សេងពីហ្នឹងទៀង។ កន្លែងដែលចូលចិត្តសន្សំវត្ថុបុរាណ គេចំណាយលុយរាប់រយលានដើម្បីដេញថ្លៃវត្ថុបុរាណមួយៗ ប៉ុន្តែកន្លែងមួយដែលមិនចូលចិត្ត គេឲ្យទទេក៏មិនយកដែរ។ ហើយមានអ្នកប្រកែកថា មេចក៏ពេជ្យ វាមានតម្លៃថ្លៃគ្រប់ហាង? មកពីវាទទួលបានច្បាប់មួយតែឯងដែលត្រូវបានទទួលស្គាល់ទូទាំងពិភពលោក! មិនមែនដោយសារតែវាជារបស់កម្រនៅកន្លែងមួយទេ។ សាកប្រទេសមួយទម្លាក់តម្លៃពេជ្យមើល ហើយបិទជំនួញក្រៅប្រទេសទាំងអស់ មានអ្នកណានឹងរកទិញពេជ្យពាក់ទៀត?
• ធ្វើអ្វីមួយដោយស្ងាត់ៗវាយឺត តែអាចធានាដល់ជ័យជំនះបាន 95% ប៉ុន្តែបើ public បើត្រូវ វាអាចនឹងបានលទ្ធផលលឿន តែក៏អាចទទួលរងការ attack លឿនផងដែរ ត្រូវការប្រុងប្រយ័ត្នច្រើន គ្រប់ផ្នែក ហើយវាហត់ជាងពេលដែលយើងធ្វើវាដោយស្ងាត់ៗ(ហត់ក្នុងករណីដែលយើងចង់ឲ្យសមិទ្ធផលល្អនោះវាបានគង់វង់)។
• Don't be too public yourself, ១.your problems ២.your insecurities ៣.your weaknessess and even if ៤.your strengths. ពត៌មានទាំងបួននេះវាប៉ះពាល់ខ្លាំងទៅលើអារម្មណ៍ ហើយអារម្មណ៍គឺជាចំណុចខ្សោយធំបំផុតរបស់មនុស្ស បើតាមដែលឃើញពេលដែលបង្ហាញវាជាសាធារណៈពេក វាផ្ដល់ផលអវិជ្ជមានច្រើនជាងវិជ្ជាមាន ចឹងហើយកុំបើកទាំងអស់ពេក។
• ការពិតខ្លះនិយាយទៅក៏គេមិនជឿដែរ so, tell them what they expect to here. Example like គេកំពុងតែពេញនិយមរបស់មួយ តែហេតុអីក៏យើងទៅយករបស់ out of date! ទៅកន្លែងមួយជាធម្មតាគេដើរតាមផ្លួវមួយដែលត្រូវបានគេទទួលដឹងឮទូលំទូលាយ តែស្រាប់តែគេសួរយើងហើយយើងប្រាប់ថាដើរតាមផ្លូវដែលវាមិនសូវមានមនុស្សដើរ គេនឹងមិនជឿរយើងទេ ឬក៏ជាក់ស្ដែង ខ្ញុំប្រាប់គេថាខ្ញុំជាជនជាតិដើមភាគតិច អ្នកខ្លះមិនងាយនឹងជឿខ្ញុំទេ ខ្លះអត់ជឿតែម្ដង ព្រោះនៅក្នុងគំនិតរបស់គេ គេគំណត់អត្តសញ្ញាណរបស់ជនជាតិដើមភាគតិចផ្សេងពីអីដែលគេមើលឃើញពីខ្ញុំ so, better to shut your mouth, save your credit, don't waste time to explain or prove anything if it's not really really necessary.
• កុំបំបាកមុខគេ ជាពិសេសនៅក្នុងទីសាធារណៈ បើទោះជាទង្វើនោះគឺជាបំណងល្អក៏ដោយ គេនិយាយថាខួរក្បាលជាអ្នកបញ្ជារាងកាយ ប៉ុន្តែចុះអ្នកណាបញ្ជាខួរក្បាល? គឺអារម្មណ៏ជាអ្នកបញ្ជាខួរក្បាល។ ខួរក្បាលគេអាចយល់ថាទង្វើនោះគឺជាបំណងល្អ ប៉ុន្តែអារម្មណ៍មិនអាចយល់ទេ អាចព្យាយាមទទួល ប៉ុន្តែមិនមែនគ្រប់ពេលទេ។ ប៉ុន្តែបើអ្នកជាមនុស្សដែល okay, គេមិនឃើញតម្លៃក៏ហើយទៅ សំខាន់គឺចង់ឃើញគេល្អ ចឹងអ្នកអាចធ្វើបាន តែអ្នកសរសេរនេះអត់ទេ😁។
• ចង់បានរបស់ល្អ ត្រូវការពិសោធន៍ច្រើន ខុស expected ត្រូវកែ ត្រូវដូរ so, ចំណាយក៏ច្រើនតាមហ្នឹង វាខុសពី "Okay, ប៉ុណ្ណឹងក៏បានដែរ"។ យកល្អកុំចេះវាយតម្លៃដំណើររបស់គេទាំងមិនដឹងទីតាំងដែលគេចង់ទៅ។
• កុំអួតបង្ហាញលទ្ធផលល្អៗរបស់អ្នកដាក់អ្នកនៅក្បែរខ្លួនញឹកញាប់ពេក ជាពិសេសនៅពេលដែលគេក៏ចង់បាន តែមិនបានដូចយើង យើងរំពឹងថាគេនឹងជួយអបអរសារទ។ ផ្ទុយទៅវិញវានឹងបង្ករជាការអាកអន់ចិត្តទៅដល់ភាគីម្ខាងទៀត ហើយយើងក៏តាំងគិតថា <គេអត់សប្បាយចិត្តពេលឃើញយើងល្អ...> វាជារឿងធម្មតាព្រោះមនុស្សគ្រប់គ្នាសុទ្ធតែចង់បានរបស់ល្អៗមកដាក់ខ្លួន មិនមានអ្នកណាអាចគ្រប់គ្រងចិត្តមិនឲ្យច្រណែនគេបានទេ មានតែអាចគ្រប់គ្រងខ្លួនកុំឲ្យឈ្នានីសគេតែប៉ុណ្ណឹង។
• ជាធម្មតាទំនាក់ទំនង គឺជាវិធីទូទៅដែលមនុស្ស99%ប្រើដើម្បីដោះដូរផលប្រយោជន៍គ្នា​ ប៉ុន្តែក៏មានផ្លូវផ្សេងដែលអាចទទួលបានផលដូច ឬ ក៏លើស that traditional way ទៀត គ្រាន់តែវាមិនស្រួលធ្វើ ហើយក៏មិនប្រាកដថាធ្វើហើយ អាចនឹងបានលទ្ធផលដល់ចំណុចរបស់វាអត់ តែបើដល់ មិនបាច់ខ្វល់រឿងមិនចេះទំនាក់ទំនងទៀតទេ។
• ជាធម្មតាការបង្កើតរបស់ថ្មីវាតែងតែពិបាកជាងការរុករករបស់ចាស់ៗដែលធ្លាប់មានអ្នកស្គាល់ហើយ បើចិត្តខ្សោយអ្នកមិនអាចបង្កើតវាបានទេ យកល្អកុំចំណាយពេលអី។ សូម្បីតែការធ្វើម្ហូបមួយដែលដាក់គ្រឿងខុសក្បួនដែលចាស់ៗបានចែងទុក នឹងមានមនុស្សជាច្រើនប្រតិកម្មហើយនិយាយថា វាមិនដែល! តាំងពីកើតមកមិនដែលឃើញអ្នកណាធ្វើចឹងទេ ។ល។ បើអ្នកមានគំនិតបង្កើតរបស់ថ្មីមួយ អ្នកណាដែលត្រូវតែដឹងបានឲ្យដឹង ក្រៅពីហ្នឹងមិនចាំបាច់ទេ។ ធ្វើវាស្ងាត់ៗ ទុកឲ្យគេជាអ្នកចង់ដឹងពីរបស់ហ្នឹងដោយខ្លួនឯង វាមានប្រសិទ្ធភាពជាងដែលអ្នកព្យាយាមទៅហៅគេឲ្យមកអង្គុយស្ដាប់អ្នកនិយាយ ទុកកម្លាំងធ្វើអីដែលចាំបាច់បំផុតសម្រាប់គម្រោងមួយនោះ។
• Pretending to be cool, to be good, to be love, to be ...វាជារឿងធម្មតា តែជឿអត់ថា នៅក្បែរមនុស្សណាដែលមានថាមពលផ្លូវចិត្តខ្លាំង លាក់បាំងមិនជិតទេ គ្មានហេតុផល តែគេនឹងទទួលអារម្មណ៍ថា ថាមពលរបស់អ្នកខណៈពេលនោះវាសុទ្ធមិនសុទ្ធ។
• ចង់បានអី? ការយកចិត្ត ការគោរព រាប់អាន ឲ្យតម្លៃ ...? របស់អស់ហ្នឹងចេញមកពីណា? ដោយសារតែអ្នកសម្របខ្លួនតាមកាលៈទេសៈ? 😊វាក៏ជាវិធីមួយដែរដែលមនុស្សទូទៅប្រើ ប៉ុន្តែ ជួសឲ្យការដែលចំណាយពេលបេះស្លឹកឈើមួយៗជារាងរាល់ថ្ងៃ ទៅកាប់ដីដើម្បីដកទាំងឬសវាមិនល្អជាង? មិនចាំបាច់ឡើងដើមឈើ មិនចាំបាច់ត្រូវអង្ក្រងខាំ មិនចាំបាច់ភ័យខ្លាចធ្លាក់ គ្រាន់តែវាចាយពេលយូរបន្តិចដើម្បីបង្ហាញផលទៅអ្នកដទៃ។ វាដូចជាstockវត្ថុបុរាណចឹង ដប់ម្ភៃឆ្នាំក្រោយយកវាទៅដាក់ដេញថ្លៃ តម្លៃអាច *10 ក៏ថាបាន។ មើលអីមើលឲ្យដល់គល់ ទើបមិនងប់ងល់នឹងអំបែងកែវ។
• មិនមែនឲ្យតែមនុស្សដែលមានអាយុច្រើនជាងយើង សុទ្ធតែដឹងរឿងច្រើនជាងយើងទេ ក៏មិនមែនមនុស្សដែលអួតក្ដែងៗគាត់ដឹងច្រើនជាងមនុស្សម៉ឺសៗដែរ មនុស្សដែលដឹងរឿងច្រើនជាងគេ គឺមនុស្សដែលដើរច្រើន ខុសច្រើន ត្រូវក៏ច្រើន។ ពេលខ្លះគាត់ចាស់មែន តែគាត់ចាស់តែកន្លែងដែលគាត់នៅទេ កន្លែងផ្សេងគាត់ក៏នៅក្មេងដែរ។ ចឹងហើយ មិនមែនគ្រប់ដំបូន្មាន យើងត្រូវតែស្ដាប់ទាំងអស់ទេ ស្ដាប់ដោយពិចារណា។ មិនមែនឲ្យ denied ការយល់ឃើញរបស់គាត់ទេ ស្ដាប់ទៅ កុំឲ្យគាត់ថាយើងទឹកពេញកែវ តែធ្វើឬអត់វាជារឿងមួយទៀត។
• There is no fixed rule in the science world, What fixed are most followers. And you don't need to fix this bug directly, you couldn't fix it. Build the tool, let the tool fix it.
• Last updated on 28 Jan 2025

Topic: Introvert 😊
Just wanna make it clear

• `Introvert don't know how to talk`. Nope! we know how to talk but we don't want to talk when it is out of our interest.
• `Introvert are shy and they are not flexible`. Nope! introvert so confident and flexible if the topic hit their points.
• `It is difficult to communicate with an introvert`. Nope! introvert are the easiest people to communicate with. Why? because they are not complicated or wasted, they hit the point. It's not about win or lost for them, it's about peace of mind, if they feel safe their power spread out.
• `Introvert is dangerous`. Yep, sometimes not always. It's depend on you & how hurt they feel. They are mostly not be a starter.
• Most people thought introvert is top 1 danger type, because they are speechless or less reaction on something this make some people hard to understand or figure their thoughts but, they were wrong. Extrovert is top 1, they could make you feel enjoyed and close to them and when they kill, you will feel too hurt, too weak, and too hard to move on.

មនុស្សទូទៅតែងយល់ច្រលំថា មនុស្សស្ងាមស្ងាត់ ជាមនុស្សពូកែអៀន គ្មានភាពក្លាហាន មិនចូលចិត្តទំនាក់ទំនង ប៉ុន្តែអ្នកយល់ខុសហើយ មនុស្សស្ងប់ស្ងាត់ ជាមនុស្សដែលចូលចិត្តសេរីភាព និង privacy ខ្លាំង មនុស្សប្រភេទនេះ ready for everything មិនចេះខ្លាចអីទេ គ្រាន់តែមិនងាយប្រតិកម្ម hold រហូតដល់ target បាន sale.
មិនសូវនិយាយ មិនសូវមានអ្នកដឹង មិនសូវមានអីឲ្យគេវិនិច្ឆ័យ មិនសូវមានកំហុស មិនសូវលេចធ្លាយចំណុចខ្សោយ មិនសូវបន្សល់ចំណងឲ្យចងខ្លួនឯង។
Privacy ពេលគេមិនសូវដឹងរឿង គេក៏សម្រាយរឿងមិនត្រូវ មិនយល់ចំណោទបញ្ហាផង សរសេរសមីកាមេចនឹងត្រូវ ចំណុចនេះគឺដើម្បី free up storage កុំឲ្យ PC ក្ដៅ។ គ្រឿងអេឡិចត្រូនិច នៅពេលដែល full storage វានឹងដំណើរការគាំងៗ បន្ទាប់មកវានឹងឡើងកម្ដៅ ហើយវានឹងរលត់ ឬ ផ្ទុះ ។ វាជាការល្អដែលបង្ការទុកជាមុន។ អ្នកខ្លះខ្លាចគេ ប៉ុន្តែមិនខ្លាចខ្លួនឯងទេ។ ចង់បានរបស់គេ ប៉ុន្តែមិនចង់ចែករបស់ខ្លួនទៅគេទេ។ ខ្លាចគេបង្ករបញ្ហា? ខ្លាចខ្លួនឯងវិញទៅ។ ព្រោះខ្លួនយើងអាចជាមេបញ្ហាក៏ថាបាន។ គេអាចគ្រប់គ្រងខ្លួនឯងបានដល់ថ្នាក់ហ្នឹង មិនមែនរឿងល្មមៗអាចធ្វើឲ្យគេចំណាយកម្លាំង និង ពេលវេលា មកឈ្នានីសយើងទេ។

• Last updated on 1st Nov 2024

ក្មេងស្រី
អ្វីគ្រប់យ៉ាងគិតជាមធ្យម

+. គុណវិបត្តិ
• ក្មេងស្រីឆាប់អន់ចិត្ត
• ក្មេងស្រីទទួលបានក្ដីស្រលាញ់ពីគ្រួសាតិចជាងក្មេងប្រុស
• ក្មេងស្រីមិនសូវមានសិទ្ធសេរីភាព និង ងាយរងពាក្យនិន្ទាជាងក្មេងប្រុស
• ក្មេងស្រីចិត្តទុន ភ្នែកទុក ហើយខ្វល់អារម្មណ៍អ្នកដទៃច្រើនជាងក្មេងប្រុស
• ក្មេងស្រីមានរូបសម្បត្តិមិនស្អាត គេសើចចំអក់ រូបសម្បត្តិស្អាត មានគេចាប់អារម្មណ៍ច្រើន មានគេឈ្នានីស គ្រប់ទំនាក់ទំនងត្រូវការប្រុសប្រយ័ត្នមែនទែន ជាពិសេសជាមួយភេទផ្ទុយគ្នាដោយមិនខ្វល់ពីអាយុ ឋានៈមុខងារ ឬ family status,ហ៊ានតែភ្លេចខ្លួនតិច គឺអត់កើតទេ
• ក្មេងស្រីទុនខ្សោយគេជាន់ រឹងមាំពេកគេជ្រេញ ថាមិនទន់ភ្លន់ មិនគួរឲ្យស្រលាញ់
• រាងកាយទាំងមូលរបស់ក្មេងស្រីត្រូវបានចាត់ចូលទៅក្នុងតារាងតម្លៃស្ត្រី វាខុសពីក្មេងប្រុស
• ក្មេងស្រីពេលពេញវ័យត្រូវទទួលរងនូវការឈឺចាប់ពេលមករដូវ ពិបាកក្នុងខ្លួន
• ក្មេងស្រីពេលមានស្វាមីក៏ទទួលនៅការក្បត់ផិត
• ក្មេងស្រីពេលមានកូនក៏ត្រូវទទួលរ៉ាប់រងនូវទុក្ខលំបាកទាំងអស់

+. គុណសម្បត្តិ
• ក្មេងស្រីបើមានឆន្ទៈខ្លាំងធ្វើអីមួយ គឺឆ្លាតហើយឈាមត្រជាក់ជាងក្មេងប្រុស
• ក្មេងស្រីមានជម្រើសច្រើនក្នុងការសម្រេចអ្វីមួយ អាចប្រើ ប្រាជ្ញា+កម្លាំងបាយ ឬ ប្រាជ្ញា+សម្រស់ និយាយឲ្យចំ គ្រាន់តែនៅកន្លែងខ្លួនឯង ក៏របស់ដល់ដៃដែរពេលខ្លះ
• ក្មេងស្រីគឺជាអ្នកកំណត់ជោគវាសនាពិភពលោកពិតប្រាកដ ព្រោះបើគ្មានស្រី ក្មេងថ្មីក៏មិនកើតឡើង ជីវិតមនុស្សមានតែចំណាយតែគ្មានចំណូល យូរៗទៅវានឹងដាច់ពូជ។
ខ្ញុំគិតថារឿងទាំងអស់នេះ វាដូចជាអយុត្តិធម៌ជ្រុលពេក ទើបខ្ញុំមិនសូវខ្វល់ ខ្ញុំមិនខ្វល់ថាខ្ញុំជាស្រី អីដែលខ្ញុំសមនឹងធ្វើ ឬ អ្វីដែលមិនសមទេ សំខាន់ខ្ញុំសប្បាយចិត្ត ហើយវាមិនខុសច្បាប់យែនឌ័រ ខ្ញុំធ្វើ! សង្គមលើកតម្កើងបុរស ហេតុអីក៏ឲ្យស្ត្រីជាអ្នកបង្កើតមនុស្ស ជាអ្នកទទួលរងរាល់ការឈឺចាប់ ឆ្ងល់ធម្មជាតិពិតមែន😅។ តែទោះជាយ៉ាងណា ចំណុចខ្លះខ្ញុំមិនខ្វល់ទេ ចឹងមិនបាច់យកច្បាប់អស់ហ្នឹងមកវាតម្លៃខ្ញុំទេ ខ្ញុំមិនទទួលស្គាល់ឡើយ។ ហើយក៏មិនបាច់យកពាក្យ ប្រពៃណី មកកំណត់តម្លៃឲ្យខ្ញុំដែរ ព្រោះពីដើមមកស្រុកខ្មែរកាន់ព្រហ្មញ្ញ តែក៏ដូរមកពុទ្ធសាសនា ព្រោះវាមិនសូវរញ៉េរញ៉ៃ ចឹងរឿងអីដែលច្បាប់ស្រីកែប្រែមិនបាន? កុំមករំពឹងថាខ្ញុំជាស្រីខ្ញុំសមនឹងធ្វើបែបនេះបែបនោះ កុំឲ្យសោះ! ព្រោះអ្នកនឹងមិនចូលចិត្តខ្ញុំទាំងខ្ញុំមិនខុស គ្រាន់តែខុសការរំពឹងរបស់អ្នក។
Updated at June 10th 2025

​ក្ដីស្រមៃ
មនុស្សគ្រប់គ្នាសុទ្ធតែមានក្ដីស្រមៃ រួមទាំងខ្ញុំផងដែរ ប៉ុន្តែខ្ញុំចង់និយាយពីក្ដីស្រមៃពិតប្រាកដ និង ធំបំផុតដែលយើងសុខចិត្តចាយពេលវេលាព្រមទាំងកម្លាំងកាយចិត្តដើម្បីបង្កើតវាឲ្យចេញពីការស្រមៃ

សំនួរកម្រ

ហេតុអីក៏ខ្ញុំមានទំនុកចិត្តលើខ្លួនឯងម្លេះ?

ទំនាក់ទំនង
តើគ្រាន់តែចិត្តល្អ & បំណងល្អពិតជាអាចរក្សា & បង្កើតទំនាក់ទំនងល្អមែនក៏អត់?

ហេតុអីក៏ខ្ញុំ hosted ហើយ public My-space.site?
តាមពិតខ្ញុំជាមនុស្សចូលចិត្តភាពស្ងប់ស្ងាត់ បានន័យថាខ្ញុំមិនចូលចិត្តឲ្យអ្នកណាមករញ៉េរញ៉ៃខ្ញុំពេកទេ ខ្ញុំមិនចេះដឹងរឿងគេ ក៏មិនចង់ឲ្យគេដឹងរឿងខ្លួនច្រើនដែរ ព្រោះភាគច្រើនគេផ្ដល់ផលប៉ះពាល់មកឲ្យខ្ញុំ ច្រើនជាងផ្ដល់ប្រយោជន៍។ តែទោះជាយ៉ាងណាខ្ញុំក៏ជាមនុស្សដែរ ខ្ញុំមានអារម្មណ៍គ្រប់យ៉ាងដូចមនុស្សទូទៅ គ្រាន់តែវាមិនច្រើនលើសលប់ដូចមនុស្សភាគច្រើន ដោយសារតែបរិបទរបស់ខ្ញុំក៏វាខុសពីមនុស្សភាគច្រើនដូចគ្នា ចឹងក៏និយាយខ្លះៗត្រួសៗឲ្យអ្នកតាមដានរបស់ខ្ញុំអានលេងៗ ព្រោះខ្ញុំដឹងថា Character របស់ខ្ញុំវាធ្វើឲ្យមនុស្សមិនតិចទេដែលចង់ដឹងថាមកពីអី។

តែឆ្លៀតពេលទំនេរក៏សរសេរព្រៀងខ្លះហើយ នៅសល់តែមួយជំហ៊ានចុងក្រោយដើម្បីបញ្ចប់បេសកកម្មដំណាក់កាលទី១របស់ខ្ញុំ។ បើខ្ញុំអាចដើរទៅដល់គោលដៅ ខ្ញុំនឹងបញ្ចប់ហើយបោះផ្សាយសៀវភៅ ...Part-I នេះ។

អំណាចនៃផ្នត់គំនិត
ផ្នត់គំនិត គឺជាប្រភពនៃបញ្ហា ក៏ជាប្រភពនៃដំណោះស្រាយដែរ ហេតុអី? ថាមពលសកលមានច្បាប់ ច្បាប់របស់វាគឺប្រើរលកសញ្ញាដែលចេញពីចិត្តគំនិតរបស់មនុស្ស។ ហេតុអីបានឥឡូវគេបង្រៀនឲ្យមនុស្សគិតឲ្យធំ ហ៊ានស្រមៃឲ្យខ្ពស់? ហេតុអីបានពេលមនុស្សម្នាក់ដែលគិតថាខ្លួនឯងធ្វើបាន គេក៏ធ្វើបាន ហើយអ្នកដែលគិតថាខ្លួនឯងធ្វើមិនបាន គេក៏ធ្វើមិនបាន គិតថាខ្លួនឯងខ្លាច គេក៏ខ្លាច តែពេលគិតថាខ្លួនឯងមិនខ្លាចក៏អាចរក្សាអារម្មណ៍បាន? ហេតុអី? ហេតុអីបានយើងមានប្រតិកម្មខុសគ្នាចំពោះស្ថានការណ៍ដែលបានត្រៀមចិត្ត និង មិនបានត្រៀមចិត្ត? ហេតុអីបានត្រូវការការលើកទឹកចិត្ត? ហេតុអីបានខ្លាចការធ្លាក់ទឹកចិត្ត? ដែលឆ្ងល់អត់? ទទួលស្គាល់ថាចំណុចអស់នេះមានចម្លើយ និង និយមន័យខុសៗគ្នា ប៉ុន្តែមូលហេតុចម្បងបំផុត និង លទ្ធផលចុងក្រោយបំផុតគឺដើម្បីទៅចិញ្ចឹម "ផ្នត់គំនិត"។ ចំណុចតូចៗអស់ហ្នឹងគឺជា categories តូចៗដែលស្ថិតនៅក្នុង category ធំដែលហៅថាផ្នត់គំនិត ហើយពួកវាមានឥទ្ធិពលកំណត់ថាមពលរបស់ category ធំនោះ។ នៅពេលដែល category ធំនោះបញ្ចេញរលកសញ្ញាទៅភ្ជាប់នឹងរលកសកល វានឹងបង្កើតទំនាញឲ្យបុគ្គលម្នាក់ហ្នឹងស្រប់ទៅតាមថាមពលដែលវាទទួលបាន។ អ្នកអាចបដិសេធបាន តែមិនអាចកែប្រែការពិតបាននោះទេ វាជាច្បាប់របស់ធម្មជាតិ ដែលឲ្យដើមឈើជាអ្នកទ្រទ្រង់ស្លឹក ស្លឹកអាចស្រូបថាមពលព្រះអាទិត្យបាន តែមានដំណាំអីនៅលើលោកនេះដែលដុះនៅលើថ្ម ហើយអត់ត្រូវការប៉ះដីឬទឹកសូម្បីតែបន្តិចអត់?

Why I love being silence
I know everyone should have a mask but there are few reasons that make me took off the mask & get natural air.